UPAT KA FARMERS’ ORGANIZATIONS SA ASTURIAS, NAKADAWAT OG ₱900,000 MATAG USA ALANG SA SUSTAINABLE LIVELIHOOD PROGRAM
September 9, 2026
Gipahigayon ang Ceremonial Turnover of the Seed Capital Fund alang sa Sustainable Livelihood Program (SLP) ngadto sa upat ka kwalipikadong farmers’ organizations sa Municipality of Asturias.
Matag organisasyon nakadawat og ₱900,000, o kinatibuk-ang ₱3.6 milyon, nga pondo gikan sa Office of Senator Paolo Benigno “Bam” Aquino IV aron makatabang sa pagpalambo sa ilang panginabuhian, mga livelihood projects, ug kapasidad isip mga organisadong mag-uuma.
Girepresentahan ang Office of Senator Bam Aquino ni Mr. PV Aquino, igsoon sa senador. Ang maong suporta nahimong posible usab pinaagi sa mga paningkamot ni former Tuburan Mayor Democrito “Aljun” M. Diamante.
Mitambong usab sa seremonya sila Mayor Roselyn Asok sa Maria, Siquijor; Mayor Jess Baja Garcia sa Garcia-Hernandez, Bohol; ug Mayor Amos Edwin Cabahug sa Municipality of Balamban, uban sa mga personnel sa DSWD Field Office VII nga gipangulohan ni Mr. Saturnino Camasura.
Ang Local Government Unit of Asturias girepresentala nila ni Vice Mayor Reine P. Yaras, kauban ang mga Sangguniang Bayan Members, ug sa mga office and department heads.
Ang maong seed capital fund gilauman nga makapalig-on sa mga livelihood initiatives sa mga benepisyaryong organisasyon ug makatabang sa pagpalambo sa mas lig-on, malungtaron, ug produktibong panginabuhian sa atong mga mag-uuma.
#AsturiasNaturallyAtHome #AsturiasDumdumonTa
CLICK HERE: https://www.facebook.com/share/p/1C3qx34d9N/