Isip kabahin sa padayon nga mga lakang aron mapanalipdan ang kahimsog ug kalimpyo sa mga komunidad sa Asturias, nagpahigayon og technical conference ang Task Force Langaw sa LGU Asturias uban sa Pacita Farm nga nahimutang sa Sitio Mohon, Brgy. Colonia, Tuburan, Cebu.

Ang technical conference gipangunahan nila Mr. Marcwil Samson Piamonte ug Mr. Dolphy Marzado Juntong, uban sa mga representante sa Brgy. Lunas Council sa Asturias ug Brgy. Colonia Council sa Tuburan, isip tubag sa hangyo ni Brgy. Lunas Punong Barangay Rolly Dongkoy Maranga.

Bisan pa man nga ang Pacita Farm nahimutang gawas sa territorial jurisdiction sa Asturias, nakig-alayon ang LGU tungod kay ang Brgy. Lunas usa sa mga komunidad nga posibleng maapektuhan kung adunay problema sa pagdagsa sa langaw gikan sa kasikbit nga mga lugar.

Atol sa technical conference, gipaambit ngadto sa farm owner ang dugang nga technical knowledge ug praktikal nga mga pamaagi alang sa husto ug responsableng pagdumala sa farm. Lakip sa gihisgutan ang maayong waste management, sanitation, ug preventive measures aron malikayan ang posibleng fly infestation ug uban pang epekto niini sa kasikbit nga mga komunidad.

Gipahayag usab sa farm owner ang ilang pagpasalamat sa mga bag-ong impormasyon ug practical insights nga ilang nakuha gikan sa maong panaghisgot.

Gipatigbabaw sa administrasyon ni Mayor Dana Andrew M. Dumdum nga ang pagpanalipod sa kahimsog ug kaayohan sa mga Asturianon nanginahanglan usab og koordinasyon uban sa silingang mga barangay ug local government units, ilabina kung adunay mga concern nga mahimong makaapekto sa mga komunidad bisan pa kini naggikan sa gawas sa teritoryo sa Asturias.

Pinaagi sa Task Force Langaw, padayon nga gipalig-on sa LGU Asturias ang koordinasyon, technical assistance, ug preventive measures aron malikayan ang problema sa fly infestation ug mapadayon ang limpyo ug himsog nga palibot alang sa katawhan.

#AsturiasNaturallyAtHome #AsturiasDumdumonTa

CLICK HERE: https://www.facebook.com/share/p/1JzigHzsth/