Pinaagi sa paningkamot ni Congresswoman Karen Garcia, napondohan sa Office of Civil Defense ang proyekto alang sa pag-repair ug rehabilitasyon sa mga dalan ug pampublikong imprastraktura nga grabeng naapektuhan sa pagbaha ug kadaot nga gibiyaan sa Bagyong Tino.
Pagasugdan na sa Department of Public Works and Highways Region 7 ang evaluation sa mga apektadong lugar aron mapadali ang implementasyon.
Base sa inisyal nga assessment sa Municipal Engineering Office, Municipal Agriculture Office, ug MDRRMO sa Asturias, pipila sa mga apektadong lugar naglakip sa flood control sa Barangay Agbanga nga adunay partial collapse, foot bridge sa Barangay Sta. Rita nga totally collapsed, ug mga covered court ug barangay hall sa Tagbubonga ug Kaluangan nga naanod sa kusog nga baha.
Apil usab sa susihon ang spillway sa Barangay Agtugop nga adunay partial collapse tungod sa kusog nga agi sa tubig.
Dako kaayong pasalamat sa LGU ngadto kang Cong. Karen Garcia, OCD ug DPWH 7 sa pag aksyon alang sa rehabilitasyon ug pag-ayo sa mga nagubang imprastraktura aron masiguro ang kaluwasan sa mga residente.
Padayon usab ang koordinasyon tali sa lokal nga gobyerno, opisina ni Cong. Karen Garcia, ug DPWH Region 7 aron mapaspasan ang proseso sa pag-ayo sa mga dalan ug uban pang pasilidad nga naapektuhan sa kalamidad.

CLICK HERE:https://www.facebook.com/share/p/14iV2aET3f3/