Gipahigayon karong adlawa, Agosto 28, 2026, sa SB Conference Room sa Asturias Municipal Hall ang Training Induction Program (TIP) Orientation alang sa mga benepisyaryo sa Sugbo Kahanas Skills Development Program nga mopailawom sa Shielded Metal Arc Welding (SMAW) NC II training.

Ang orientation nagsilbing unang lakang sa mga benepisyaryo sa ilang skills training, diin sila gipahibalo mahitungod sa programa, training requirements, ug uban pang importanteng detalye isip pagpangandam sa ilang pagtuon ug pagpalambo sa ilang technical skills.

Pinaagi sa SMAW NC II training, gilauman nga mahatagan ang mga partisipante og praktikal ug industry-relevant nga kahibalo ug kahanas sa welding nga mahimo nilang magamit sa pagpangita og trabaho, pagpalambo sa panginabuhian, ug pag-abli sa mas daghang oportunidad sa umaabot.

Ang Sugbo Kahanas Skills Development Program usa ka inisyatiba nga nagtumong sa paghatag og skills training opportunities ngadto sa mga Sugboanon aron mapalambo ang ilang employability ug kapasidad sa pagpanginabuhi.

Ang LGU Asturias nag-awhag sa mga benepisyaryo nga pahimuslan ang maong oportunidad pinaagi sa aktibong pag-apil ug pagkompleto sa ilang training isip pagpangandam alang sa mas lig-on ug produktibong kaugmaon.

 

 

 

 

 

 

 

 

 

CLICK HERE: https://www.facebook.com/share/p/1DHU3ZMFJE/