Gipatin-aw sa Commission on Elections (COMELEC) nga ang kasamtangang nanungkulan nga mga opisyal sa Sangguniang Kabataan (SK) pwede gihapon mudagan pag-usab sa parehas nga posisyon sa Barangay ug Sangguniang Kabataan Elections (BSKE) 2026, subay sa balaod ug umiiral nga mga lagda.

Sumala sa COMELEC, ang mga incumbent SK officials dili bawal ang pagdagan pag-usab basta wala pa sila molapas sa gitugot nga sunod-sunod nga termino ug nagtuman gihapon sa edad, residency, ug uban pang kwalipikasyon nga gilatid sa balaod.

Ang maong klaripikasyon gitumong aron matubag ang mga pangutana ug kalibog sa pipila ka SK officials ug youth leaders may kalabutan sa ilang eligibility sa umaabot nga piniliay. Gibug-aton sa COMELEC nga kini uyon sa Local Government Code ug sa mga balaod nga nagdumala sa Sangguniang Kabataan, nga nagtugot sa padayon nga liderato samtang ginapanalipdan ang demokratikong partisipasyon sa kabatan-onan.

Click here: https://www.facebook.com/share/p/17jDyrsSVz/