Padayon nga nakasinati karon ang Lungsod sa Asturias og kusog nga pag-ulan (orange rainfall) nga dala sa Low-Pressure Area (LPA). Tungod niini, giawhag ang tanan sa pagpangandam ug pagpabiling alerto sa kahimtang sa inyong lugar.

Ang lokal nga pangagamhanan andam sa pagresponde ug paghatag og emergency assistance ngadto sa mga pamilyang mahimong maapektuhan sa pagbaha, pagdahili sa yuta, ug ubang peligro nga may kalabotan sa kusog nga ulan.

Giawhag ang tanan nga:

-Likayan ang pagtabok sa baha, sapa, ug kusog nga pagdagayday sa tubig;

-Magbantay sa kalit nga pagsaka sa tubig, ilabi na sa ubos ug flood-prone nga mga lugar;

-Mag-andam sa importanteng dokumento, pagkaon, tubig, tambal, flashlight, ug emergency supplies;

-Motuman dayon sa preemptive evacuation kon imando sa mga awtoridad; ug

-Magmonitor sa opisyal nga pahibalo gikan sa PAGASA, LGU Asturias, ug mga barangay officials.

Ang mga residente nga nanginahanglan og tabang o anaa sa peligro giawhag nga mo-contact dayon sa ilang barangay officials o sa mga designated emergency hotlines.