PCPFC Farm Gitawag ni Mayor Dongkoy Uban sa Task Force Langaw Tungod sa Reklamo sa mga Lumolupyo sa Brgy. Agtugop
August 14, 2025
Gipatawag ni Mayor Dongkoy ang PCPFC Farm alang sa usa ka miting uban sa Task Force Langaw human madawat ang mga reklamo gikan sa mga residente sa Barangay Agtugop. Ang mga reklamo naglakip sa pagdagsa sa mga langaw ug ang dili husto nga pagdumala sa patay nga mga manok.
Atol sa miting, gipresentar sa Task Force Langaw ang mga obserbasyon ug rekomendasyon nga gikinahanglan aron masulbad ang problema ug malikayan ang samang sitwasyon sa umaabot. Gipasabot usab ang importansya sa husto nga waste management ug limpyo nga operasyon aron maprotektahan ang kahimsog sa komunidad.
Mipasalig ang PCPFC Farm nga ilang tumanon ug ipatuman ang tanang rekomendasyon nga gihatag sa Task Force, ilabina sa pagmintinar sa kahinlo sa pasilidad ug sa husto nga disposal sa mga patay nga manok.
Matod ni Mayor Dongkoy, pinaagi sa bukas nga komunikasyon ug kooperasyon tali sa lokal nga kagamhanan, kompanya, ug katawhan, masulbad ang mga isyu ug mapadayon ang malinawon ug limpyo nga palibot alang sa tanan.