Gipahinumdoman ang tanang motorcycle riders ug drivers sa Asturias nga kanunay magsul-ob og standard helmet ug magdala sa kompleto ug balidong mga dokumento sa pagbiyahe, ilabi na nga mas kanunay nang gipahigayon ang hiniusang operasyon sa PNP, MATE, ug LTO.

Kinahanglan adunay standard full-face o half-face helmet, valid Driver’s License ang nagmaneho, ug balidong OR/CR ang motorsiklo.

Alang usab sa mga tricycle drivers, gikinahanglan ang hustong pamisti samtang nagmaneho, lakip ang pagsul-ob og karsones, sakto nga sapatos, ug T-shirt.

Giklaro usab nga dili kini bag-ong mga patakaran sa Lungsod sa Asturias. Dugay na kining gipatuman ug kanunay na kining gipahinumdom sa mga motorista. Ang mga Tricycle Operators and Drivers’ Associations (TODA) nakadawat na usab og mga notice kabahin niini.

Giawhag ang tanan nga mosunod sa mga lagda sa trapiko ug kanunay unahon ang kaluwasan sa dalan. Ang disiplina ug responsableng pagmaneho makatabang sa pagpanalipod dili lamang sa kaugalingon, kondili usab sa ubang mga motorista ug pedestrians.

Kanunay ta nga mag-amping ug magpabiling responsable sa atong pagbiyahe.