Gipatawag ni Mayor Dongkoy ang tanang tag-iya sa mga poultry ug mga kapitan sa barangay alang sa usa ka hinanaling miting isip sunod nga lakang sa iyang kampanya batok sa langaw sa Asturias.
Kauban ang mga SB Members nga gipangulohan ni Vice Mayor Reine Yaras, gipahayag sa mayor ang iyang desisyon nga dili na tugotan ang pagpagawas ug mga iti sa mga mag-uuma o sa mga barangay. Kini nga lakang ipadayon hangtod nga mapasar ug maaprubahan ang bag-ong ordinansa nga naglatid sa klarong penalidad ug mga regulasyon alang sa tanang paglapas.
Bisan pa man nga adunay pipila ka negatibong komento ug pagpangduda gikan sa uban, padayon gihapon si Mayor Dongkoy sa iyang tinguha nga masulbad ang problema sa langaw ug maprotektahan ang kahimsog sa katawhan ug kalimpyo sa matag komunidad. Nasakitan usab ang mayor sa kamatuoran nga bisan siya nagabuhat sa tanan aron makab-ot ang solusyon, aduna gihapon mga dili masatisfied nga mga kritisismo.
Gipasalig usab sa municipal government nga magpadayon ang mahigpit nga monitoring ug koordinasyon uban sa mga poultry owners ug barangay officials aron masiguro ang hapsay nga pagtuman sa direktiba.

Click here: https://www.facebook.com/share/p/1B9AVUGw59/