Nagpahigayon og inspeksyon ug assessment ang mga personnel sa National Police Commission (NAPOLCOM) Regional Office 7 sa Asturias Municipal Police Station karong adlawa, Hulyo 27, 2026.

Sa wala pa ang inspeksyon, ang NAPOLCOM inspection team mipahigayon una og courtesy visit kang Municipal Mayor Hon. Dana Andrew M. Dumdum sa iyang opisina.

Ang inspection team gipangulohan ni Atty. Ana Celfina D. Galvez, LEEO II, uban ni Florinda A. Ricaplaza, Inspector II.

Lakip sa ilang gisusi ang physical accounting sa mga personnel, hustong pagsul-ob sa uniporme o Tamang Bihis, logistical resources, operational preparedness ug readiness, ingon man ang kahimtang sa custodial facility sa police station.

Tumong sa maong kalihokan ang pag-assess sa operational readiness, administrative compliance, manpower allocation, ug kahimtang sa mga kagamitan sa Asturias Municipal Police Station.

Ang maong inspeksyon gipahigayon pinaagi sa koordinasyon ni PCPT Jessie W. Tañola, Officer-in-Charge sa Asturias Municipal Police Station.

| via Patrick K. Aligarbes, Municipal PIO-designate