Personal nga mibisita si Mayor Dongkoy sa Barangay Lunas karong adlawa aron mo inspection human miigo ang kusog nga pagbunok sa ulan nga maoy hinungdan sa pagbaha sa maong lugar.

Kauban sa Mayor ang mga sakop sa Local Disaster Risk Reduction and Management Office (LDRRMO) aron susihon ang kahimtang sa komunidad ug aron matimbang-timbang ang posibleng epekto sa baha sa mga residente.

Sumala sa inisyal nga report, misaka ang tubig sa pipila ka bahin sa barangay human sa dugay nga pag-ulan, hinungdan nga naapektuhan ang pipila ka kabalayan ug karsada. Tungod niini, gilayon nga milihok ang lokal nga kagamhanan aron maseguro ang kaluwasan sa katawhan.

Atol sa inspeksyon, gisusi ni Mayor Dongkoy ang mga lugar nga labing naapektuhan ug naghatag og direktiba sa LDRRMO nga magpadayon sa pag-monitor sa sitwasyon, ilabi na kung magpadayon pa ang pag-ulan.

CLICK HERE:https://www.facebook.com/share/p/14WrSwCgDo8/