Human sa pag-igo sa bagyong Tino, mibisita si Mayor Dongkoy sa Barangay Tagbubonga aron personal nga tan-awon ang kahimtang sa mga residente ug paghatod og tabang.
Tungod sa grabeng kadaot nga gidala sa bagyo, lisod ug halos imposible ang pagsulod sa maong barangay sa miaging mga adlaw. Apan karong adlawa, nakasulod na si Mayor Dongkoy uban ang emergency response team aron mahatagan og relief goods ang mga apektadong pamilya.
Gipasalamatan sa mga residente ang paningkamot sa LGU Asturias ilabina kang Mayor Dongkoy sa ilang padayon nga presensya ug pagtabang sa panahon sa kalisdanan. Giingon sa mayor nga magpadayon ang operasyon sa pagtabang sa mga naapektuhan sa bagyo hangtod nga makabangon pag-usab ang mga barangay.

Click here: https://www.facebook.com/share/p/1DijehuqcF/