Imbes nga magselebrar og bonggang handaan, gipili ni Mayor Dongkoy Dumdum nga ipahigayon ang iyang adlawng natawhan uban sa mga kabataan sa Asturias. Sa usa ka mabulukon nga kalihokan nga gitawag “Super D! A Birthday Bash for the Little Heroes” si Mayor Dongkoy mismo ang nanguna sa kalipay uban sa kapin 500 ka day care pupils gikan sa lain-laing barangay sa lungsod.
Napuno sa kalingaw ang adlaw samtang ang mga bata nakadawat og loot bags, food packs, ug nalingaw sa magic ug circus show nga giandam para kanila. Ang maong kalihokan nagtumong sa pagpanghatag kalipay ug sa pagpakita sa kasingkasing nga mapinanggaon ni Mayor Dongkoy alang sa kabataan.

Click here: https://www.facebook.com/share/p/1HQyqQi67q/