Malampusong gipahigayon karong adlawa ang turn-over ceremony sa bag-ong gi-renovate nga Rural Health Unit (RHU), usa ka proyekto nga gisuportahan sa BDO Foundation isip kabahin sa ilang padayong paningkamot sa pagpalambo sa serbisyo panglawas sa komunidad.

Ang renovation gihimo ubos sa “BDO Foundation Rural Health Unit Rehabilitation Program,” usa ka nasudnong proyekto nga nagsugod pa niadtong 2012 aron mapaayo ang mga pampublikong health centers sa tibuok Pilipinas.

Lakip sa pagpanindot sa pasilidad mao ang paghimo og child-friendly spaces alang sa kabataan, breastfeeding stations alang sa mga inahan, ug mas accessible nga lugar alang sa mga senior citizens ug persons with disabilities. Ang maong proyekto nahimong posible pinaagi sa panagtambayayong sa BDO Foundation ug sa lokal nga kagamhanan.

Atol sa maong seremonya, gipadayag ni Mayor Dongkoy Dumdum ug Dr. Keith Michael Jann Alasco ang ilang pagpasalamat sa BDO Foundation tungod sa dakong tabang niini sa sektor sa panglawas.

Gilauman nga pinaagi sa bag-ong rehabilitated nga RHU, mas daghan pang residente ang makadawat og mas hapsay ug dekalidad nga healthcare services.