Isip kabahin sa kasabutan ug padayon nga panagtambayayong tali sa LGU-Asturias ug DENR Region VII, gipahimutang ang mga information ug conservation signages sa Agtugop Cave, Barangay Agtugop, Asturias, Cebu aron mapalig-on ang kahibalo sa publiko bahin sa pagpanalipod, responsableng paggamit, ug hustong pagdumala sa mahinungdanong cave resources sa lungsod.

Kabahin usab kini sa mga preparasyon alang sa umaabot nga pag-abli sa Agtugop Cave ngadto sa sustainable ug responsible tourism, diin prayoridad ang conservation, visitor safety, ug hustong pagdumala sa mga bisita.

Lakip sa sunod nga mga lakang mao ang Cave Guiding Seminar nga ipahigayon karong Oktubre 5 hangtod 11, 2026, sa Municipality of Asturias, aron mapalambo ang kahibalo ug kahanas sa mga mahimong local cave guides sa cave conservation, safety, ug responsible tourism.

Pinaagi niini, padayon nga gipangandam sa LGU-Asturias ang Agtugop Cave isip usa ka destinasyon nga dili lamang makapadani sa mga bisita, kondili mapanalipdan usab alang sa umaabot nga mga henerasyon.

CLICK HERE: https://www.facebook.com/share/p/1H9YYjQPEp/