Ang Lokal nga Pangagamhanan sa Asturias nakadawat og Patient Transport Vehicle (PTV) gikan sa Philippine Charity Sweepstakes Office (PCSO), isip usa sa walo ka lungsod nga gipili nga makadawat niini karong tuiga.
Si Mayor Dana Andrew “Dongkoy” Dumdum personal nga mitambong sa turn-over ceremony kauban si Governor Pamela Baricuatro, aron modawat sa maong sakyanan. Ang PTV magamit alang sa emergency response ug mas mapaspas ang paghatod sa serbisyo ug tabang sa mga Asturiasnon.
Matod pa ni Mayor Dongkoy, kini nga sakyanan usa ka dugang nga tabang (additional aid) alang sa LGU ug mahimong magamit usab aron makatabang sa ubang mga munisipyo nga nanginahanglan sa panahon sa emerhensiya, sama sa gibuhat na sa Asturias karon nga kalamidad.
“Ang PTV simbolo sa atong tinud-anay nga pag-alagad, dili lang sa mga Asturiasnon, apan usab sa atong mga silingan nga lungsod. Ang pagtabang dili limitado sa usa ra ka lugar,” dugang pa ni Mayor Dongkoy.
Nagpasalamat usab ang LGU Asturias sa PCSO sa ilang padayon nga pagsuporta ug pakig-uban sa mga programa nga nagtinguha sa kahimsog, kaluwasan, ug kaayohan sa lungsod.

Click here: https://www.facebook.com/share/p/17fFB7BSRH/