Ang mga empleyado sa munisipyo sa Asturias nagpahigayon karon ug virtual nga Christmas party kada opisina subay sa direktiba ni Mayor Dongkoy human sa mga kalamidad nga miigo sa lungsod.
Matod pa sa mayor dili na angay magpahigayon ug extravagant nga selebrasyon samtang daghang pamilyang Asturiasnon ang padayon pang nag-ayo ug nagbangon gikan sa mga kadaot nga ilang nasinati. Tungod niini, gipili sa administrasyon ang yano ug makahuluganon nga paagi sa pagsaulog sa Pasko.
Lakip usab sa gi-adjust ang Christmas lighting ceremony, nga gihimo lamang sa simple nga pamaagi, nga naghatag gihapon ug kahayag ug paglaum sa lungsod apan walay sobra nga gasto.
Dugang pa, wala na usab gipahigayon ang Christmas party sa mga barangay officials, isip pagpakita sa panaghiusa ug pagpakigbahin sa sakripisyo sa katawhan.
Ang LGU Asturias naglaum nga pinaagi sa maong mga lakang mas matutokan ang tinuod nga espiritu sa Pasko, ang pagtabang, pagpakabana, ug pagtinabangay ilabi na niining higayona nga ang lungsod nagpadayon sa pagbangon.

click here;https://www.facebook.com/share/p/185i5vRBV2/