Gipahigayon na usab ang usa ka technical conference uban sa Rabunniel Farm sa Barangay Ubogon. Mitambong niini ang tag-iya sa poultry, kapitan sa barangay, mga residente nga nagsumite ug complaint letter, ang Task Force Langaw, ug ang mga sakop sa Sangguniang Bayan nga anaa sa Komitiba sa Environment.

Lakip sa gitalakay mao ang reklamo sa mga residente bahin sa langaw nga gituohang resulta sa operasyon sa maong poultry. Gihisgutan usab ang mga lakang nga mahimo aron mapahapsay ang sitwasyon ug malikayan ang dugang reklamo gikan sa komunidad.