Ikaduhang Poultry Farm sa Asturias Giapil sa “No Chick-In” Order
Nagpagawas og opisyal nga pahibalo ang Municipality of Asturias pinaagi sa Office of the Municipal Mayor nga nagmando og temporaryong “no chick-in” sulod sa usa ka grow cycle sa usa ka poultry farm nga nahimutang sa Brgy. Sta. Lucia.
Kini ang ikaduhang poultry farm nga giapil sa maong direktiba, human sa sunod-sunod nga inspeksyon nga gihimo sa Task Force Langaw Inspection Team nga nagtumong sa pagmonitor sa sanitary condition ug epekto niini sa katawhan.
Base sa mando, nakit-an sa inspeksyon ang mga isyu nga may kalabotan sa kalimpyo sa pasilidad ug presensya sa langaw nga nakaapekto sa pipila ka residente sa kasikbit nga mga lugar. Tungod niini, gihimo ang maong lakang isip preventive ug corrective measure, aron hatagan og panahon ang operator sa pagpatuman sa angay nga aksyon.
Gimandoan ang operator sa:
1. Paghunong sa operasyon sulod sa usa ka grow cycle (no chick-in)
2. Pagpatuman og hingpit nga cleaning ug disinfection
3. Pagsunod sa tanang naunang rekomendasyon sa inspeksyon team
4. Pagpahibalo sa LGU human makompleto ang mga kinahanglanon
Giklaro usab sa Municipality of Asturias nga human sa hingpit nga compliance ug verification, magpagawas og laing order aron tugutan ang pagpadayon sa operasyon.
Giawhag usab ni Mayor Dongkoy Dumdum ang ubang poultry operators sa lungsod nga magpadayon sa pagsunod sa environmental ug sanitary regulations aron masiguro ang kaayohan sa katawhan.

CLICK HERE: https://www.facebook.com/share/p/18N9yBKfuL/