News & Events

HELIKON SHIPPING UG TSUNEISHI HEAVY INDUSTRIES NAGTURN-OVER OG MGA DONASYON SA ALAN ADLAWAN INFIRMARY CLINIC

July 28, 2026

Pormal nga giturn-over karong adlawa, Hulyo 28, 2026, sa Helikon Shipping Enterprises Limited ug Tsuneishi Heavy Industries (Cebu), Inc. ang ilang mga donasyon ngadto sa Alan Adlawan Infirmary Clinic (AAIC).

Ang mga donasyon naglakip sa 10 ka hospital beds, duha ka desktop computers, ug usa ka printer, nga makatabang sa pagpalambo sa mga pasilidad ug serbisyo sa infirmary clinic alang sa katawhan sa Asturias.

Mitambong sa turn-over ceremony sila Mr. Michael Papaioannou, Chief Executive Officer sa Helikon Shipping Enterprises Limited, ug Mr. Yasuaki Seto, President sa Tsuneishi Heavy Industries (Cebu), Inc.

Pormal nga midawat sa mga donasyon sila Hon. Reine P. Yaras, Municipal Vice Mayor, ug Dr. Ruby Rose Loquellano, Chief of Hospital sa Alan Adlawan Infirmary Clinic.

Nagpasalamat ang Lokal nga Pangagamhanan sa Lungsod sa Asturias sa Helikon Shipping Enterprises Limited ug Tsuneishi Heavy Industries (Cebu), Inc. alang sa ilang bililhong suporta ug pagpakabana sa pagpalig-on sa serbisyong panglawas alang sa mga Asturiasnon.

| via Patrick K. Aligarbes, Municipal PIO-designate

| Photos by Dave Mañego, Jake Serad, and John Vic Ilustrisimo

CLICK HERE: https://www.facebook.com/share/p/1ECxM8EsNy/