Gipahigayon ang Technical Conference sa mga Tag-iya sa Poultry ug Egg-Layering Farms
August 1, 2025
Gipahigayon ang Technical Conference sa mga Tag-iya sa Poultry ug Egg-Layering Farms
Usa ka technical conference ang gipahigayon ni Mayor Dongkoy Dumdum uban ang mga tag-iya sa poultry ug mga egg-layering farms, uban sa mga miyembro sa Barangay Council ug mga residente nga misumite og pormal nga mga reklamo sa buhatan sa Mayor may kalabot sa mga epekto sa operasyon sa maong mga umahan.
Sa maong panagtigom, gipresentar sa Inspection Committee/Task Force Langaw ang ilang findings ug rekomendasyon, nga naglakip sa mga lakang aron malikayan ang baho, kasamok sa langaw, ug uban pang isyung makaapekto sa palibot ug kahimsog sa komunidad.
Sa maong diskusyon, mipasalig ang mga tag-iya sa poultry nga motuman sa tanang rekomendasyon nga gilatid sa task force. Kini nga lakang usa ka dakong tabang aron malikayan ang dugang reklamo ug pagpaambit sa responsableng pagpanguma.
Gilauman nga ang mga aksyon ug kasabutan nga naporma atol sa technical conference magdala og mas malinawon ug limpyo nga komunidad alang sa tanang lumulupyo sa Asturias.