Nakigtagbo si Mayor Dongkoy Dumdum ni Mayor Christian Daniel Diamante sa lungsod sa Tuburan aron maghimo og plano alang sa usa ka joint inspection sa poultry farm nga nahimutang duol sa Brgy. Lunas, kabahin sa ilang kolaborasyon sa pag-atubang sa nagpadayon nga problema sa langaw sa munisipyo.
Kauban sa Mayor sa pagpangandam ang Task Force Langaw, nga gimugna aron motutok sa monitoring ug pagpangita og solusyon sa problema sa langaw, nga nakaapekto sa kahimsog ug kalimpyo sa lungsod.
Ang kolaborasyon tali sa duha ka lungsod nagpakita sa ilang determinasyon nga magtinabangay sa pagpangga sa katawhan ug sa pagpatuman sa saktong regulasyon sa poultry farms aron malikayan ang sobra nga pagdaghan sa langaw.
Matod ni Mayor Dongkoy, “Kinahanglan ang kooperasyon sa tanang sektor, labi na ang mga kasikbit nga lungsod, aron malikayan ang seryoso nga epekto sa langaw sa atong katawhan.”
Gilauman nga pinaagi sa maong plano, maghimo og konkretong lakang ang lokal nga kagamhanan sa Asturias ug Tuburan aron masulbad ang problema ug malikayan ang pagbalik niini sa umaabot.

https://www.facebook.com/share/p/1B1rTSDBJY/