LGU ASTURIAS, DPWH 3RD DISTRICT NAGPAHIGAYON OG COORDINATION MEETING ALANG SA UMAABOT NGA PROYEKTO SA BRGY. LUNAS

Hulyo 6, 2026 | Gipahigayon ang usa ka coordination meeting tali sa Department of Public Works and Highways (DPWH) 3rd District, pinaagi ni District Engineer Suzette Nwanaka, ang Lokal nga Pangagamhanan sa Asturias nga gipangulohan ni Mayor Dana Andrew “Dongkoy” M. Dumdum, uban sa mga opisyal sa LGU Asturias ug Barangay Lunas.

Tumong sa maong tigom nga maklaro ug masiguro ang tukmang lokasyon sa proyekto nga ipatuman sa Barangay Lunas, lakip ang mga importanteng detalye nga gikinahanglan alang sa hapsay, klaro, ug epektibong implementasyon niini.

Gipasiugda usab sa tigom ang kamahinungdanon sa maayong koordinasyon tali sa DPWH, LGU Asturias, ug barangay aron masiguro nga ang mga proyekto sa imprastraktura motubag sa tinuod nga panginahanglan sa komunidad ug makahatag og mas dakong kaayohan sa katawhan.

Padayon ang LGU Asturias sa pagpalig-on sa panerbisyo pinaagi sa matinud-anon nga pakigtambayayong sa mga ahensya sa nasudnong pangagamhanan ug sa mga barangay, subay sa tumong nga mas mapaduol ang kalamboan ngadto sa matag Asturiasnon.

CLICK HERE: https://www.facebook.com/share/p/1L51ebKjcp/