Mudayon na ang barangay Binaliw sa syudad sa Sugbu pagsalmot sa Sinulog Festival 2026 nga ipahigayon sa dakbayan sunod buwan.
Kini maoy gipahibawo sa executive director sa Sinulog Foundation Incorporated (SFI) nga si Jojo Labella, human niini ikahinabi si Binaliw barangay captain Viviane Ruste.
Ang mga choreographer sa nahisgutang contingent maoy unang nipahibawo kang Labella, nga mo-back out ang ilang barangay sa Sinulog.
Apan matod ni Labella nga nahilot na ang internal differences sa mga choreographer ug ditirminado na ang Binaliw pagsalmot sa festival.
“Ako na lang gyong gitawagan ang kapitan kung unsa ang ilang concern nganong mo-back out sila, niingon man si kap nga mudayon sila kay nagkaestorya na pud kuno sila sa mga choreographer, nahilot na ilang differences.” Matod ni Labella
Nasayran nga 40 na ka dancing contingents ang muapil sa Sinulog 2026, nga naglangkob sa 13 ka out of town, 18 gikan sa syudad ug siyam gikan sa probinsya sa Sugbu.
Lakip na niini ang mga guest performer nga Masskara sa syudad sa Bacolod, Danao City ug ang contingent sa Cebu City government.
Ang competing contingents nga gikan sa syudad sa Sugbu mao ang Lumad Basakanon, Basak Pardo, Barrio Luz, Guadalupe, Banilad, Mabolo, duha sa San Nicolas Proper, Inayawan, San Roque, Tejero, Kasambagan, Babag, Binaliw, Labangon, Talamban ug U.P. Cebu.
Samtang ang nagagikan sa lalawigan naglangkob na sa Toledo City, Carcar City, Mandaue City, ug mga lungsod sa Alcoy, Carmen, Dumanjug, Moalboal ug Asturias.
Ang competing out of town contingents nagagikan sa Cotabato, tulo sa Zamboanga City, Zambonga Sibugay, Bais City, Albay, Antipolo City, Muntinlupa, Davao Occidental, Tagbilaran City, ug Las Pinas City.
Nasayran nga ang SFI ug ang city government padayon sa gihimo niining pagpangandam alang sa maong tinuig nga kalihukan sa dakbayan.
via I Radyoman Elly Bolonos DYHP RMN CEBU
#DYHPRMNCEBU
#DYHPRmnCebu612
#dyhpnews
#TatakRMN

CLICK HERE: https://www.facebook.com/share/p/17gCvUGN66/