Mibisita sa Barangay Agbanga si Cebu Third District Representative Hon. Karen Hope F. Garcia, diin iyang personal nga gitan-aw ang lugar nga giplanohang patukoran og bag-ong taytayan isip puli sa kanhing taytayan nga naguba atol sa pagbaha nga dala sa Typhoon Tino.

Atol sa pagbisita, nakigdayalogo usab si Cong. Garcia sa mga Barangay Health Workers (BHWs) aron madungog ang ilang mga panginahanglan, kasinatian, ug mga kabalaka kalabot sa ilang serbisyo sa komunidad.

Kauban ni Cong. Garcia sa pagbisita si Municipal Mayor Hon. Dana Andrew M. Dumdum, Punong Barangay Hon. Marben Castillano, ug ang mga opisyal sa Barangay Agbanga.

Ang onsite nga pagsusi sa lugar alang sa giplanong taytayan nagtumong sa pagtan-aw sa aktuwal nga kahimtang ug sa gikinahanglang interbensyon aron mapulihan ang nadaot nga imprastraktura ug mapasig-uli ang mas luwas nga agianan alang sa mga residente.

Ang pagbisita nagpakita usab sa padayon nga koordinasyon tali sa mga opisyal sa national, municipal, ug barangay level aron direktang matubag ang mga panginahanglan sa komunidad, ilabi na sa mga lugar nga naapektuhan sa mga kalamidad.

#AsturiasNaturallyAtHome #AsturiasDumdumonTa

CLICK HERE: https://www.facebook.com/share/p/1GuDjqtpfu/