Gipagawas ni Mayor Dongkoy Dumdum ang Executive Order No. 20, Series of 2026 nga nagpatuman sa bag-ong office hours sa LGU Asturias, subay sa Malacanang Memorandum Circular No. 114.

Sumala sa EO, ang opisina sa munisipyo magbukas Lunes hangtod Huwebes, alas 7:00 sa buntag hangtod alas 6:00 sa gabii sugod karong March 16, 2026, Lunes, gawas sa frontline offices nga magpadayon sa ilang regular nga serbisyo. Lakip usab sa probisyon ang pagpaandar sa air-conditioning units sugod alas 10:00 sa buntag hangtod alas 4:00 sa hapon isip kabahin sa energy-saving measures.

Gidili usab sa EO ang road rehabilitation matag Biyernes, Sabado ug Domingo, ug ang overtime work sa mga empleyado gikan Lunes hangtod Domingo.

Gipahimangno sa LGU Asturias ang publiko nga magmatngon sa bag-ong oras sa pag-abli sa mga opisina alang sa ilang mga transaksyon sa gobyerno.

Click here: https://www.facebook.com/share/p/19ew1sjS7A/