Puerto Princesa City – Mipahimulos ang Lungsod sa Asturias sa usa ka lakang padulong sa digital transformation human pormal nga mipirma sa Memorandum of Agreement (MOA) alang sa pagpatuman sa Mobile RBIM o Registry of Barangay Inhabitants and Migrants.

Ang Mobile RBIM usa ka bag-ong sistema nga mopuli sa tradisyonal nga pen-and-paper nga pamaagi sa pagrekord sa mga lumulupyo ug migrante sa matag barangay. Pinaagi sa mobile system, masiguro ang mas efficient, organisado ug luwas nga pagtipig sa datos, ilabi na sa panahon sa mga kalamidad diin posible nga mawala o madaot ang mga pisikal nga rekord.
Ang sistema gimugna sa Municipality of Brooke’s Point ug karon ipatuman na sa Asturias isip unang sa lungsod Central Visayas nga mopatuman niini.

Gidawat ug giabiabi si Mayor Dongkoy sa Puerto Princesa City ni Gloren Hinlo acting Regional Director sa CPD MIMAROPA. Kauban usab sa delegasyon sa Cebu sila Municipal Population Officer Asturias Mae Lurleen Maravillas ug Information Officer Jose Ariel Adolfo. Mitambong usab ang delegasyon sa Region VII nga gipangulohan ni Darlynn S. Remolino Assistant Regional director CPD 7.

Sumala ni Mayor Dongkoy Dumdum, ang pagpatuman sa Mobile RBIM maghatag og mas paspas nga serbisyo sa katawhan, mas tukmang datos alang sa pagplano sa mga programa, ug mas lig-on nga disaster preparedness system.

Pinaagi niini, nagpadayon ang Asturias sa iyang tumong nga mahimong mas modernisado, responsive ug andam sa umaabot nga mga hagit, usa ka lakang nga nagpakita sa lig-on nga liderato ug kabag-ohan alang sa kaayohan sa tanang Asturiasnon.

#AsturiasDumdumonTa

Click here: https://www.facebook.com/share/p/16rkg4Ym1N/