Skip to main content
Philippine Standard Time: 07 November 2026, 06:30 PM

News & Events

1,227 KA BENEPISYARYO SA ASTURIAS, NAKADAWAT NA OG TAG-40 KILOS NGA BUGAS GIKAN SA DILG-FUNDED RICE ASSISTANCE PROGRAM

October 8, 2026

Mokabat na sa 1,227 ka benepisyaryo sa lungsod sa Asturias ang nakadawat og tag-40 kilos nga bugas ubos sa rice assistance program nga gipondohan sa Department of the Interior and Local Government (DILG), pinaagi sa ₱5 milyones nga pondo alang sa LGU.

Ang maong pag-apod-apod sa bugas kabahin sa LGU-Led Post-Disaster Recovery and Rehabilitation (LGSF) Program, nga nagtumong sa paghatag og hinabang sa mga kwalipikadong sektor sa katilingban.

Lakip sa mga gitumong nga benepisyaryo mao ang mga rehistradong Persons with Disabilities (PWDs), solo parents, fisherfolk o mananagat, tricycle drivers, ug mga aftercare beneficiaries.

Sa kinatibuk-an, 1,700 ka benepisyaryo ang gitumong nga makadawat sa maong hinabang, diin matag usa adunay tag-40 kilos nga bugas.

Base sa pinakabag-ong talaan niadtong Oktubre 7, 2026, 1,227 na ang nakadawat sa ilang bahin, samtang ang pag-apod-apod alang sa nahibiling mga benepisyaryo ipadayon sumala sa gitakdang eskedyul.

Ang maong programa usa sa mga paningkamot sa Lokal nga Pangagamhanan sa Asturias, ubos sa pagpangulo ni Mayor Hon. Dana Andrew “Dongkoy” M. Dumdum, sa pagpalig-on sa paghatag og importante nga hinabang ngadto sa mga sektor nga nanginahanglan og dugang suporta.

Gipahinumdoman ang mga kwalipikadong benepisyaryo nga wala pa makadawat sa ilang bugas nga maghulat sa opisyal nga pahibalo mahitungod sa sunod nga eskedyul sa pag-apod-apod.

CLICK HERE: https://www.facebook.com/share/p/19VDdiso4f/

Skip to content