𝐀𝐒𝐓𝐔𝐑𝐈𝐀𝐒 𝐍𝐄𝐖𝐒 𝐔𝐏𝐃𝐀𝐓𝐄 | 𝟒𝐏𝐬 𝐍𝐆𝐀 𝐃𝐈𝐋𝐈 𝐌𝐎𝐓𝐔𝐌𝐀𝐍 𝐒𝐀 𝐑𝐄𝐐𝐔𝐈𝐑𝐄𝐃 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐒𝐀 𝐌𝐆𝐀 𝐁𝐀𝐓𝐀, 𝐌𝐀𝐀𝐏𝐄𝐊𝐓𝐔𝐇𝐀𝐍 𝐀𝐍𝐆 𝐇𝐄𝐀𝐋𝐓𝐇 𝐆𝐑𝐀𝐍𝐓𝐒

Gipahinumdoman sa Municipal Government of Asturias ang mga benepisyaryo sa 𝗣𝗮𝗻𝘁𝗮𝘄𝗶𝗱 𝗣𝗮𝗺𝗶𝗹𝘆𝗮𝗻𝗴 𝗣𝗶𝗹𝗶𝗽𝗶𝗻𝗼 𝗣𝗿𝗼𝗴𝗿𝗮𝗺 (𝟰𝗣𝘀) nga ang pagdawat sa cash grants sa programa adunay mga kondisyon nga kinahanglan tumanon, lakip na ang mga requirements kabahin sa panglawas ug nutrisyon sa mga bata.

Matud ni 𝗠𝘂𝗻𝗶𝗰𝗶𝗽𝗮𝗹 𝗟𝗶𝗻𝗸 𝗘𝗿𝗿𝗼𝗹𝗻𝗮𝘇𝗮𝗿𝗶𝗼 𝗖. 𝗔𝗿𝗱𝗶𝗹𝗹𝗼, ubos sa 𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟭𝟭𝟯𝟭𝟬 𝗼 𝗣𝗮𝗻𝘁𝗮𝘄𝗶𝗱 𝗣𝗮𝗺𝗶𝗹𝘆𝗮𝗻𝗴 𝗣𝗶𝗹𝗶𝗽𝗶𝗻𝗼 𝗣𝗿𝗼𝗴𝗿𝗮𝗺 (𝟰𝗣𝘀) 𝗔𝗰𝘁, ang mga batang 𝟬 𝗵𝗮𝗻𝗴𝘁𝗼𝗱 𝟱 𝗮𝗻𝘆𝗼𝘀 nga sakop sa 4Ps kinahanglan makadawat sa regular nga preventive health and nutrition services, lakip ang 𝗵𝗲𝗮𝗹𝘁𝗵 𝗰𝗵𝗲𝗰𝗸-𝘂𝗽 𝘂𝗴 𝗴𝗶𝗸𝗶𝗻𝗮𝗵𝗮𝗻𝗴𝗹𝗮𝗻𝗴 𝗽𝗮𝗴𝗯𝗮𝗸𝘂𝗻𝗮 𝗼 𝗶𝗺𝗺𝘂𝗻𝗶𝘇𝗮𝘁𝗶𝗼𝗻. Ang dili pagtuman niini mahimong makaapekto sa pagdawat sa health grant, subay sa compliance verification ug mga lagda sa programa.

Gipahimug-atan usab ni 𝗠𝘂𝗻𝗶𝗰𝗶𝗽𝗮𝗹 𝗛𝗲𝗮𝗹𝘁𝗵 𝗢𝗳𝗳𝗶𝗰𝗲𝗿 𝗗𝗿. 𝗞𝗲𝗶𝘁𝗵 𝗠𝗶𝗰𝗵𝗮𝗲𝗹 𝗝𝗮𝗻𝗻 𝗔𝗹𝗮𝘀𝗰𝗼 ang kamahinungdanon sa pagpabakuna sa mga bata aron mapanalipdan sila batok sa mga sakit nga malikayan pinaagi sa bakuna. Giawhag ang mga ginikanan ug guardians nga siguruhong updated ang immunization records sa ilang mga anak ug moduol sa Municipal Health Office, Rural Health Unit, o labing duol nga Barangay Health Station alang sa hustong impormasyon ug serbisyo.

Lakip usab sa health conditionalities sa 4Ps ang prenatal ug postnatal care alang sa mga buntis, facility-based delivery nga giatiman sa skilled health professional, ug regular nga deworming sa mga batang 1 hangtod 14 anyos.

Giklaro nga ang requirement sa pagbakuna 𝗱𝗶𝗹𝗶 𝗯𝗹𝗮𝗻𝗸𝗲𝘁 𝘃𝗮𝗰𝗰𝗶𝗻𝗮𝘁𝗶𝗼𝗻 𝗿𝗲𝗾𝘂𝗶𝗿𝗲𝗺𝗲𝗻𝘁 𝗮𝗹𝗮𝗻𝗴 𝘀𝗮 𝘁𝗮𝗻𝗮𝗻𝗴 𝗺𝗶𝘆𝗲𝗺𝗯𝗿𝗼 𝘀𝗮 𝟰𝗣𝘀 𝗵𝗼𝘂𝘀𝗲𝗵𝗼𝗹𝗱, kondili bahin sa gikinahanglang bakuna alang sa mga bata sumala sa ilang edad ug sa national immunization program.

Giawhag ang tanang 4Ps beneficiaries sa Asturias nga makig-coordinate kang Municipal Link Errolnazario C. Ardillo, sa Municipal Health Office ubos ni Dr. Keith Michael Jann Alasco, o sa ilang Barangay Health Station aron masiguro nga kompleto ug updated ang ilang health records ug natuman ang mga kondisyon sa programa.

Click Here: https://www.facebook.com/share/p/1GP2EQi6v9/