Nakadawat og pasidungog ang Municipality of Asturias human kini giila isip Best Partner Municipality in Solid Waste Management sa 8th Gawad Tugas and ENR Partners Awarding Ceremony nga gipahigayon karong adlawa Disyembre 10, 2025 sa Harolds Hotel, Lahug, Cebu City.
Gidawat ang pasidungog ni Mayor Dongkoy Dumdum ug MENRO Head Joann J. Rosario, nga nagrepresentar sa lungsod sa Asturias.
Ang maong award gihatag tungod sa pagpakita sa lungsod sa inobasyon, kadasig, ug lig-ong trabaho sa pagdumala sa solid waste, lakip na ang pagpalambo sa mga programa sa environmental protection, conservation, ug waste management.
Ang Gawad Tugas usa ka prestihiyosong pasidungog sa Department of Environment and Natural Resources (DENR), Mines and Geosciences Bureau (MGB 7), ug Environmental Management Bureau (EMB 7), alang sa mga LGU nga padayon nga naningkamot aron mapalig-on ang kalikupan ug responsableng pagdumala sa basura sa ilang komunidad.
Sa tibu-ok Central Visayas, ang Municipality of Asturias ug Brgy. Lambusan, San Remigio, Cebu lamang ang naka kuha sa maong pasidungog.
Gipasalamatan sa LGU Asturias ang maong pagsidungog ug mipasalig nga ipadayon ang pagtrabaho aron mahimong modelo sa environmental governance sa tibuok probinsya sa Cebu.

CLICK HERE: https://www.facebook.com/share/p/1FTKmpkHSS/