Gipahigayon sa Department of Health (DOH) niadtong Hulyo 31, 2026 ang 𝙍𝙚𝙜𝙞𝙤𝙣𝙖𝙡 𝙈𝙤𝙣𝙞𝙩𝙤𝙧𝙞𝙣𝙜 𝙖𝙣𝙙 𝙀𝙫𝙖𝙡𝙪𝙖𝙩𝙞𝙤𝙣 𝙨𝙖 𝘾𝙤𝙢𝙢𝙪𝙣𝙞𝙩𝙮-𝘽𝙖𝙨𝙚𝙙 𝘿𝙧𝙪𝙜 𝙍𝙚𝙝𝙖𝙗𝙞𝙡𝙞𝙩𝙖𝙩𝙞𝙤𝙣 𝙋𝙧𝙤𝙜𝙧𝙖𝙢 (𝘾𝘽𝘿𝙍𝙋) sa Lungsod sa Asturias.

Ang monitoring team girepresentahan nila ni Mr. Rhian Jess Canillas, RMT, ug Mr. John Paul Cocon sa DOH. Mitambong usab sa kalihokan si Mr. Linbird Cayson, MADAC Focal Person sa LGU Asturias; mga personnel sa Asturias Municipal Police Station nga gipangulohan ni PCPT Jessie W. Tañola; ug mga CBDRP focal persons sa Rural Health Unit nga sila Ms. Cheryme Morejon ug Mr. Jun Michael Caligner.

Tumong sa maong kalihokan nga susihon ang kahimtang, implementasyon, dokumentasyon, koordinasyon, ug mga serbisyo nga gipatuman ubos sa CBDRP alang sa rehabilitasyon ug padayon nga pag-atiman sa mga indibidwal nga naapektuhan sa paggamit sa ilegal nga droga.

Base sa resulta sa assessment, ang CBDRP sa Lungsod sa Asturias nakakuha og “Moderately Functional” nga rating. Ang resulta magsilbi nga basihanan sa LGU ug sa mga hingtungdang ahensiya sa pagpalig-on pa sa mga programa, mekanismo, ug interbensiyon aron mas mapauswag ang pagpatuman sa CBDRP sa munisipyo.

Nagpakita usab kini sa lig-on nga panaghiusa tali sa LGU Asturias, DOH, Philippine National Police, ug ubang mga stakeholders sa pagpalambo sa usa ka mas luwas, himsog, ug drug-free nga komunidad.

Click Here: https://www.facebook.com/share/p/1Fin6DUvr8/