₱200,000 NGA ASSISTANCE, GIDAWAT SA MATAG BARANGAY SA ASTURIAS UBOS SA “BAWAT BARANGAY MAKIKINABANG” PROGRAM
September 11, 2026
Nakadawat og ₱200,000 matag usa ang tanang 27 ka barangay sa Municipality of Asturias pinaagi sa “Bawat Barangay Makikinabang Program: Presidential Assistance to Barangays under the Socio-Civic Projects Fund (SCPF)” sa Office of the President, atol sa pag-apod-apod nga gihimo karong Septiyembre 11, 2026, didto sa Dumdumon Hall sa Asturias Municipal Hall.
Ang maong programa usa ka nationwide financial assistance initiative nga gitumong sa pagpalig-on sa kapasidad sa mga barangay sa pagtubag sa direktang panginahanglan sa ilang komunidad, samtang naghatag usab og suporta sa edukasyon sa mga kwalipikadong estudyante.
Sa ₱200,000 nga alokasyon sa matag barangay, kini gibahin ngadto sa duha ka components:
– ₱100,000 – Educational Assistance, diin lima (5) ka kwalipikadong college student-beneficiaries ang makadawat og ₱20,000 matag usa isip tabang sa ilang pag-eskwela ug pagkompleto sa tertiary education; ug
– ₱100,000 – Barangay-Identified Development Priorities, alang sa mga prayoridad nga proyekto ug panginahanglan nga giila sa barangay, lakip ang public service ug administrative equipment, streetlighting, disaster risk reduction and management needs, ug uban pang allowable community priorities subay sa programa.
Ang pag-apod-apod sa assistance sa Asturias gipangunahan ni Ms. Emma Maria C. Baliguat, Municipal Treasurer, uban ni Hon. Maria Teresa Carmela Dumdum-Valenzuela, President sa Liga ng mga Barangay – Asturias Chapter.
Ang assistance opisyal nga gidawat sa tagsa-tagsa ka Punong Barangay ug Barangay Treasurer sa 27 ka barangay sa Asturias alang sa hustong pagdumala ug paggamit sa pondo subay sa gitakdang guidelines.
Ang pagpatuman sa programa ginamandoan sa DILG Memorandum Circular No. 2026-038, nga naglatid sa mga patakaran sa pag-release, paggamit, pagmonitor, ug pagreport sa financial assistance.
Lakip sa legal ug policy bases niini ang 1987 Philippine Constitution, nga nagpasiugda sa social justice ug patas nga access sa mga oportunidad; Section 7(a) sa Presidential Decree No. 1869, nga nagtugot sa paggamit ug pag-apod-apod sa gitakdang earnings sa PAGCOR alang sa infrastructure ug socio-civic projects, ubos sa pag-apruba sa Office of the President; ug Memorandum Order No. 11, s. 2022, nga nagbalik sa administration ug management sa Socio-Civic Projects Fund ngadto sa Office of the Executive Secretary.
Pinaagi sa programa, ang matag barangay gihatagan og dugang nga kapanguhaan aron mas direktang makatubag sa lokal nga panginahanglan, gikan sa pagtabang sa mga estudyante hangtod sa pagpatuman sa mga prayoridad nga proyekto nga adunay direktang benepisyo sa komunidad.
#AsturiasNaturallyAtHome #AsturiasDumdumonTa
CLICK HERE: https://www.facebook.com/share/p/19ghqSDhYW/